Valter doc Fasol

Furio M Nestor

Benito Petra

Is NOX funt Benito Petra, Furio M Nestor, Valter doc Fasol. Issus sonant impari de su 1993 e funt sa basi, su coru e s'anima de su gruppu, mancai in tempus passaus du est stetiu cantantis - unu piccioccu prima, agoa una picciocca - e a pustis chitarristas de accumpangiamentu. De su marzu de su 1996 funt in tres e custa est sa formatzioni perfetta: problemas pagus e musica meda. Sa istoria insoru cumentzat candu Furio M Nestor si fuit a is cuis passendi de unu stampu me in su muru a brocchettus de sa caserma sua (fuet appenas intrau me in s'esercitu) po atobiai is atrus de sa banda e sa pivella sua chi iant fattu prus de  duxentus chilometrus a macchina po ndi du carrigai e torrai agoa tottus impari. Destinazioni: una prova de musica po una desolada e finta etichetta de Casteddu. Immaginaisiri s'arrestu! Est stetia sempri una avventura. Is NOX funt unu gruppu chi s'est pesau de sei, custu est siguru!

Unu merì de is urtimus de paschixedda de su 2004 apparit ufficialmenti cun is NOX, e fora de medas presentadas, Billi, unu contrabbassu a straccu barattu. Poderat cun facilidadi una sonada a s'aria oberta, in s'aia, minescendisiri su rispettu de su gruppu. Est su cumenzu de una istoria noa...